O loo su’esu’e nei e le Komisi o Faigapalota a Ausetalia le Australian Electoral Commission le toeitiiti 50 afe o pepa faasolitulafono ua aga’i i le faipule tuto’atasi o Allegra Spender a o lumana’i ai le faigapalota a le atunuu i le vaiaso fou.
Fai mai le komisi e silia ma le 47 afe kopi o ia pepe e tetee ai i le Faipule lea mai Wentworth ua tufatufaina ae o ia ituaiga gaioiga e lē faatagaina.
Fai mai e leai se mea e ono iloa ai pe ta’ua ai se tasi e faafesoota’i e tusa o faamatalaga i luga o ia pepa ma ua faailoa e le komisi e matua’i o latou mata’itū ma le toto’a ituaiga gaioiga faapea ma o loo galulue nei e sa’ili le tagata poo ni tagata na faia lea gaioiga ma e i’u ina oo i le faamasinoga ma faia iai ni faasalaga.
Fai mai le faipule o loo aofia i le mataupu lea ua fiafia ua fai se su’esu’ega i le mataupu aemaise o faamatalaga lē lelei ma solitulafono ua faatino ai ia ituaiga faiga taufaaleaga.
O le aso 3 o le masina fou o Me le palota a Ausetalia.
Puna o Faamatalaga: https://www.9news.com.au/national/federal-election-2025-aec-investigating-unauthorised-pamphlets-wentworth/df105cfb-f1d1-49d5-a6c0-f9d784f7b22c
