Ua lapata’ia tagata e malaga i le setete o Vitoria i Ausetalia ina ia faaeteete ona ua siitia le aofa’i o tagata e aafia i le siama o se vairusi e feaveai e namu e ono ogaoga ona aafiaga ma faaumiumi.
Ua ta’ua e le 9News, talu ai nei sa faamauina ai tagata ua aafia i le vairusi lea mai le Ross River i pitonuu o Wellington ma Gippsland i Ausetalia lava.
I le tele ai o tagata asiasi ma tulisi i aso mālōlō aemaise o le vevela o le tau ua atili faatetele ai le namu ma ua lapata’ia ai e le Matāgaluega o le Soifua Mālōlōina e ao i tagata uma ona faaeteete.
Ua fautuaina le faia o laei e kava ai le tele o vaega o le tino, ma ia lusi ma faaaogā ta’inamu.
Ia faaaogā foi meatulinamu ma ia faamamao ese mai auvai ma vaituloto aemaise i nofoaga e tele ai le namu.
O le Ross River virus ua faaigoa ai ma e taatele i Ausetalia, e māfua mai i se vairusi e feavea’i e namu ma pepesi pe a ū e se namu ma aafia ai se tagata soifua.
O āuga e aofia ai le fiva, tigā sooga o le tino ma fulafula, tigā maso o le tino, lē lavā ma mageso.
Ua faailoa i le lipoti e lē o iai se tuipuipui o lea vairusi i le taimi nei.
Puna o Faamatalaga: https://www.9news.com.au/national/victoria-gippsland-ross-river-virus-infections-rising/0df98428-4c6a-4831-8135-0fd71568c064
