E faitau miliona tagata i Ausetalia o loo faatalitali ma mata’itū a latou telefoni i le taimi e taunuu ane ai se text poo se faaaliga foi mai le ATO poo le ofisa o lafoga a le atunuu e faatatau i le faaitiitia o a latou aitalafu o pili a’oga poo student debt.
Ua māfua lea tulaga ona o le folafolaga sa faia a le faigāmalo o loo iai nei afai ae toe tula’i mai i le palota o le a faaitiitia i le 20 pasene le aitalafu a le tagata a’oga Ausetalia.
O le vaiaso nei la ua faailoa ai i tagata poo afea tonu le taimi e tatau ai ona maua sea faamaoniga e faailoa atu e le ATO.
O se matua’i fesoasoani tele lea ma se faamāmā avega mo tamaiti a’oga Ausetalia, i le faaitiitia o tupe toe totogi.
O se faata’ita’iga afai o se aitalafu a le tamaitiiti a’oga, student debt e $27,600 a fua i le 20 pasene e aveese o le aitalafu, pe ā ma le $5,520 o le a aveesea.Fai mai le to’atele e faafetaia le malo i lenei faamāmā avega.
Puna o Faamatalaga: https://www.9news.com.au/national/student-loan-debt-cut-hecs-help-reduction-when-it-begins/def7c171-3ad3-4145-bb8e-2259d4ac250b
