O le vaalele na malaga mai ai le Palemia o Ausetalia mai Amerika i lona atunuu na faamalosia le tulaueleele i se vaega o Amerika e ui e le’i fuafuaina.
Fai mai le leitio faavaomalo a Niu Sila ina ua aga’i ese mai le vaalele lea mai le nofoaga a le Ea Fosi i Andrews, sa fuafua e aga’i sa’o i Hawaii peita’i na faafuase’i ona tulaueleele i St Louis Missouri.
Fai mai lipoti o se ato na pa’ū ane mai le vaega e tuu ai uta a le vaalele, na pa’ū ane ma aafia ai se tasi o le pasese i luga o le vaalele ma ua ta’ua e lē o iai ni manu’aga tigāina peita’i e ao lava ona faataunuu tulaga uma tau le puipuiga ina ia faamautū o loo saogalemu tagata uma.
O loo lipotia o se tulaga lelei na iai le faigāmalaga a le Palemia i Amerika na sainia ai se maliega tāua tele i le va o atunuu e lua.
Puna o Faamatalaga: https://www.9news.com.au/national/anthony-albanese-plane-unexpected-landing-return-trip-us-visit/9425b3e4-4bbd-4572-8da9-274f632e3ec9
