Ia aumai tupe na faaagaaga mo le a’oa’oina o le gagana Maori e faatupe ai le a’oa’oina o le mataupu Matematika.
O faamaoniga nei mai le minisita o a’oga, Erica Stanford, ma le tala o lea e moomia le $30 miliona e faatau mai ai tusi faapea le tapenaina o lesona mo le tausaga faalea’oa’oga 2025.
O mataupu Matematika o lea e fai lava si maualalo o lona tulaga i totonu o a’oga i Niu Sila, ma mai le minisita o se itu ua moomia le ave iai o le faamuamua.
Talu mai le 2019, e $100 miliona lea na tuu ese mo faia’oga e a’oa’o ai le gagana Te Reo Maori, peitai na saunoa Stanford, e lē o iai ni faamaoniga a mea o lea e manuia ai fanau a’oga ma o lea ua faia ai fetuuna’iga e aumai ai le $30 miliona mai lea vaegatupe e faatupe ai puna’oa o loo moomia mo mataupu Matematika.
O ni suiga e amata tatala mai ai i le aso 21 o le masina fou le avanoa i a’oga tulagalua e filifili ai e latou puna’oa o loo moomia auā lava le a’oa’oina o le Matematika.
Puna o Faamatalaga: Te reo Māori teacher training cut by $30m to fund maths resources (1news.co.nz)
