$30 miliona ua faailoa e le malo o le a tuuina mai e unaia ai poloketi o loo taulai i le saogalamu o tagata savavali ma le au tietie uila vilivae i soo se vaega o le atunuu.
O lenei vaega tupe o le a faasafua i le va o local councils e 13 ma le faamoemoe e faataunuuina ai poloketi e 21 mo le saogalemu i luga o auala.
O ni poloketi o le a alu ai le isi vaega o auala o loo iai nei, ma e oo mai i le afiafi ananafi e le o mautinoa e le pulega o taavale afi pe fia taavale o le a aafia ai ona o nei fuafuaga.
Saunoa le minisita o femalagaiga, Michael Wood o se suiga lelei mo le komiuniti aemaise lava le saogalemu o tagata uma, ma o nei poloketi uma e tatau ona faamae’a i le ogatotonu o le tausaga 2024.
