O loo finau Ausetalia faasaga i le Taliban ma lana matafaioi o loo faia e faatatau i le sa’olotoga o tamaitai Afghan e tautatala ai.

Ua lipotia e le 7News ua faaopoopo atu le finau a Ausetalia i isi atunuu e pei o Kanata, Siamani ma le Netherlands lea o loo taulamua i le taumafaiga faavaomalo lea ina ia aveesea faiga faailoga tagata faasaga i tamaitai lea e aofia ai foi ma Afghanistan.

O le finau ua valaau ai i le Talban e o ane i le laulau mo faatalanoaga ma o le ulua’i laasaga lea ua faailoa e aofia ai ma le ave i le Faamasinoga Faavaomalo pe afai e lē tali ane i lea talosaga i totonnu o le 6 masina.

Ua saunoa le minisita o le va i fafo a Ausetalia, Penny Wong, e lē mafai ona nofonofo atunuu ma faataga le teena o avanoa mo tamaitai i tulaga tau aiātatau ma sa’olotoga i soo se mea i atunuu ia ma ua lagona foi le valaau mai tamaitai i ia atunuu mo se fesoasoani ma ua nofo sauni foi Ausetalia ma isi atunuu e tali atu i lea valaau ma puipui aiātatau a nei tamaitai.

Puna o Faamatalaga: https://7news.com.au/news/australia-canada-germany-and-netherlands-take-on-taliban-as-women-banned-from-speaking-in-public-and-denied-education-c-16196257