Ua faamaonia e le minisita o le va i fafo, Nanaia Mahuta i se faatalanoaga ma le Newshub o le a auai atu Niu Sila i se fonotaga faaminisita a se kulupu o atunuu e lima e pei o Ausetalia, Iapani, Niu Sila, United Kingdom ma Amerika.
Fai mai Nanaia Mahuta i lea faatalanoaga e taua tele le amanaia e le kulupu lea o le matafaioi a le Pacific Islands Forum.
O atunuu e lima ia o Partners in the Blue Pacific sa muai faalauiloa e le malo tele o Amerika i le masina o Iuni ae sa laga ai foi nisi o masaloga ona sa folasia tonu mai i le taimi faatoa mae’a ona gaioi Saina i ni maliega ma atumotu o le Pasefika, ma agiga ai i lipoti talu ai o le kulupu lea ua faia faapitoa e faafetoaia gaioiga a Saina i le Pasefika.
