Ua faailoa e leoleo mai le Atu Solomona ua faaopoopo le latou puipuiga i le mae’a o le lafo o le lē faatuatuaina sa faatūina faasaga i le Palemia o le atunuu o Jeremiah Manuele.

Ua ta’ua e le RNZ o loo iai i se tulaga faaletonu le faigamalo ona e to’a 10 faipule e aofia ai Minisita sinia e to’alima o le faigamalo ua faamavae.

O le lafo na faatūina e le Faipule mai Honiara o Gordon Darcy Lilo, sa Palemia muamua foi, ma ua faailoa e leoleo a le atunuu o loo latou mata’itū ma le toto’a lenei fuafuaga.

O le vaiaso nei o loo faatali ai le tagofia o le mataupu lea i le Palemene a le Atu Solomona.

Puna o Faamatalaga: https://www.rnz.co.nz/international/pacific-news/559941/solomon-islands-police-step-up-security-ahead-of-no-confidence-vote