Ua faailoa o le tusifolau a le Atu Solomona e aupito malosi i tusifolau uma mai atumotu o le Pasefika ona e mafai ona malaga i atunuu e 131 o le lalolagi e aunoa ma le mana’omia o se visa.
Ta’ua i le RNZ o le faatulagana a le Henley Passport Index 2026 ua silasila ai i tusifolau a le Pasefika ma nofoaga e mafai ona malaga ai le tagata e aunoa ma le mana’omia o se visa.
O Samoa ma Marshall Islands e mafai ona malaga tagata e umia ia tusifolau i atunuu e 128, o Tonga e mafai ona ulufale i atunuu e 127 ma Tuvalu i atunuu e 124, peita’i o le Atu Solomona e 131.
Ua faailoa foi i le lipoti o le tusifolau Singapore e faigofie ona malaga ai i atunuu e 192 ma ua ta’ua foi e i latou sa faatinoina lea su’esu’ega o le tulaga tau tupe maua a le atunuu ma le tulafono e tele lona aafiaga i le fetuuna’iga o tulaga ia tau femalagaa’iga.
Puna o Faamatalaga: https://www.rnz.co.nz/international/pacific-news/584649/how-many-countries-can-you-easily-visit-on-your-passport-and-why
