Na faafetaia e le aufaasalalau uma ma i latou e galulue i le AM Show i le Alaata 3 o latou aiga ma e lagolagoina le latou galuega aemaise le aumaimoa ina ua faataunuu le latou polokalame faai’u i le asō e pei ona faia ai le faai’uga a le Pulega a le Newshub i le masina o Aperila o le aso 5 o Iulai o le a faamuta ai le polokalame i le ta o le 7 i le afiafi.

Na faailoa e le alii faasalalau o Michael O’Keefe lona agaga faafetai i le avanoa sa tuuina mo ia.

I lenei vaiaso atoa ia latou faasalalauga sa faatalanoa ai nisi o alii ma tamaitai iloga a Niu Sila i faasalalauga ma faasoa foi o latou lagona i le galuega a o galulue ai mo le AM Show.

Na faaali ai foi ma nisi o taimi mālie i lu’itau o le galuega ma lona faatinoina ma e ui ua faamuta le polokalame ae o le mau a le aufaigaluega o le a lē galo foi lagona ma mea tāua ua aoina mai i le galuega i le AM Show ma o le a avea ma fesoasoani mo latou i le isi ala o le a uia i le sailiga o nisi galuega fou.

Puna o Faamatalaga: https://www.1news.co.nz/2024/07/05/thank-you-am-show-presenters-reporters-on-final-broadcast