E leai se tali lelei mo le au tetee I Ueligitone pe a le usitaia aiaiga ua aumai
O lea na tusi tagata e le o fiafia i taiala o puipuiga o le Koviti agai minisita sinia e faatalosagaina ai sa latou fonotaga vave
Peitai mai le fofoga o le maota o ia foi o le faatonusili o le komisi o galuega a le palemene Trevor Mallard e leai se feiloaiga pe a le aveesea taavale o loo poloka ai auala ma fai se fuafuaga I fale le tumau
O le aso ua 11 iai aso talu ona tetee I latou nei I Ueligitone, ma mai ia Jacinda Ardern e le o toe taua o se solo tetee
Ese mai le tetee i Ueligitone ma Kalaiesetete, o lea foi ua fai finauga a le council a Marlborough ma le tetee ua faamaopopo I Picton
O lea sa faatonuina le council tagata o loo tetee I le fanua o le council I Nelson Square e tapena ese ananafi, peitai e ta ane le 5 I le afiafi na faagata ai o loo tutu lava faleie ma iai le toatele
O le faamuta o le poloaiga o loo faamalosia ai tui o le Koviti o le mataupu lea o loo le fiafia ai le toatele o loo tetee, ae mai le palemia e iai le taimi e faamuta ai ae le o le taimi lenei
