I se feiloaiga a le sui o le Faletupe o le Malo le World Bank ma sui o le International Fund for Development (IFAD) ma le afioga i le Minisita o Faatoaga ma Faigafaiva Laauli Leuatea Polataivao Schmidt na autu lea i le iloilo o le poloketi o le fua o faatoaga ma lona maketi ma le atunuu.
Faailoa e Laauli i luga o upega tafailagi o loo i Samoa lenei aumalaga mo le 1 le vaiaso ma o le a talanoaina ai lea poloketi ma sui o le Matagaluega o Faatoaga ma Fiagafaiva faapea ma le Matagaluega o tupe e vaavaai pe o talafeagai tupe o loo fuafua mo poloketi e aunoa ma se aafia o o nisi vaega o tupe ua maea ona fuafua mo le tele o atinae.
Na faamanino e le afioga i le Minisita tulaga ua faataoto nei e le faigamalo e pei o le ave lea o le faamuamua i le atinaega o tagata nuu ma o nisi lava paketi e fuafuaina e tatau lava ona faamuamua le au faifaatoaga ma le au faifaiva.
Na ia taua foi i a latou talanoaga na na tele ina vaavaai ai i vaega e faalauaitele ai le tele o penefiti a Samoa e maua mai i lea poloketi (SAFROM).
