Ua asia nei e le Palemia o Ausetalia Anthony Albanese se nofoaga mo vaa i le itu i Matu o Egelani lea e faapea o i tonu o le a fausia ai uluai vaamaulu e pei ona iai le maliega a le AUKUS na faalauiloa i se taimi e lei mamao atu.

Na faailoa e Albanese i le SBS o le asiasiga lea i le taulaga o Barrow in Furness, o se nofoaga aupito sili foi mo le fausiaina ai o ia vaa, o le a maua ai foi ma le avanoa mo sui o Ausetalia e maua ai le tomai i le faatinoina o lea galuega ma oo ai ina fausia ai foi ma ia ituaiga vaamaulu mai totonu lava ia o Ausetalia lea o loo iai le fuafuaga o Ausetalia i Saute o le a famautu agai iai.