I le amata mai o lenei vaiaso i fefaataua’iga i le Atu Asia ua lipotia ua vaaia le iai o suiga lē lelei ma ua faamauina o sea i maketi i Iapani ma Korea i Saute ua faaitiitia i fefaataua’iga a o faaauau ai pea ona maitauina aafiaga o tariffs a Trump i le lalolagi atoa.
Ua faailoa e le BBC i se taimi e le’i mamao atu foi sa faaletonu foi le vaai aga’i i le lumanai o le maketi o oloa a Amerika e lē gata i lea o isi foi atunuu e pei ona faamauina i le amataga o lenei vaiaso.
Peitai e foliga o loo tumau pea ona maumaua’i Trump i se tulaga lelei o le a iai tamaoaiga o atunuu o le lalolagi ona o ia totogi faaopoopo.
Fai mai a ia o le mafua’aga lea na ia malo ai i le palota ma se’i vaganā ua faaleleia le tulaga lea ona faato’ā faia lea o nisi maliega.
E foliga o Saina lea o loo mātele ina faatūtū iai faamatalaga ia a Trump.
O nisi faata’ita’iga o le suiga ua iai i fefaataua’iga ua ta’ua ai o le kamupani a le Honda toeitiiti 8 pasene ua faaitiitia ai ana fefaataua’iga faapea foi le Nissan e 10 pasene ua faaitiitia ai faatauga.
Puna o Faamatalaga: https://www.bbc.com/news/live/ce3qnyr7y94t
