Aooga mai le fale nisi o fanau aoga a le kolisi o Matamata i Waikato ananafi ona o le lē lava o faiaoga.
O le vasega 10 lea na aooga mai le fale ananafi ma ua sau ai ma le lapataiga e le uma ai ii.
Ae mai le asosi o faiaoga, e le na o le pau lea o le kolisi o loo utiuti ai faiaoga.
I le imeli a le kolisi na ave i mātua o loo ta’ua ai ona o le mamai o nisi o faiaoga, o nisi o loo ave aso livi, faapea ai ma nisi o polokalame o loo faia i tua a le aoga o loo auai ai isi faiaoga o le mafuaaga lea o le suia o aoga e faia online.
O le taeao nei o loo toe foi uma ai fanau nei e aooga i totonu o potuaoga, ma o se suiga ua iai le popolega o nisi ua sau ai i le mae’a o le tetee tele a faiaoga na faia ai le vaiaso talu ai e pei ona faailoga fesili ai pea nei pe toe faia se isi tetee tele i le Aso Lulu o le vaiaso a sau.
