E toatolu alii e aofia ai ma se tamā matua e 80 ma ona tupu tausaga le matua ua lipotia le molia ai i le faalavelave i suesuega a le tagata suesue e faatatau i le fasiotia o se alii sikulati i Aukilani.
O le NZ Herald ua ta’ua ai o le toatolu e pei ona ta’ua e lē o aofia ai tagata o loo molia i le fasioti tagata ia Ramandeep Singh i le tausaga talu ai sa auina atu foi i talafou, ma o le toatolu e pei ona ta’ua na tutulai i le faamasinoga faaitumalo i Waitakere i le asō.
Afai ae faamaonia o latou moliaga e ono faasala taitolu masina i le falepuipui pe totogi salatupe tai 2 afe.
O si alii sikulati na aafia na maua atu ua maliu i le Royal Reserve car park i le vaiaso a o lumanai ai le Kerisimasi o le tausaga talu ai.
O se talavou ma se isi alii pe ā ma le 20 tausaga ua molia i le fasiotia o le sikulati lea sa faigaluega i le Armourguard.O lē ua maliu na malaga mai Initia i Niu Sila i le 2018 mo le faaauauina o ana a’oa’oga ina ua mae’a ana aoga i lona atunuu.
Puna o Faamatalaga: https://www.nzherald.co.nz/nz/auckland-security-guard-death-82-year-old-among-trio-charged-with-obstructing-investigation-into-killing-of-ramandeep-singh/QZPGUUPZIVBSTIJWLL6XYX2WEM
