O loo aofia ai ma se pepe i le aumaliliu mai se faalavelave na tulai mai i Kuiniselani i le taeao ananafi.
Fai mai lipoti e tele taavale na lavevea e aofia ai loli e lua ma se sedan i le faalavelave na tupu i Warrego Highway i Oakey.
O le faalavelave ua maliliu ai tagata e toatolu e aofia ai ma le pepe ma isi o loo manunua, e tigaina isi.
O ē ua maliliu e talitonuina o le tamā ma le tina o le pepe ma e oo mai i le taimi nei e le o manino le mafuaaga o le faalavelave ma o loo galulue pea le ausuesue faapitoa i le faamautuina o lea tulaga.
Ua faaoo faamaisega a leoleo i aiga o ē ua aafia a o faatalia ai se aotelega o se lipoti o lenei faalavelave mai Kuiniselani.
