Ua sainia e Amerika ma Ukraine le maliega faapaaga o le a maua ai le avanoa o Uosigitone i minerale mai laufanua o Ukraine ae faatūina ai ma se faaputugatupe tau inivesi mo Ukraine.
Talu mai ona toe foi ane Donald Trump i le tofi Peresetene o Amerika sa taumafai mai ai lenei maliega a o lea faato’ā sainia i le mae’a o le tele o le mau feutana’iga na faia.
Fai mai le faamatalaga mai le ofisa o Tupe a Amerika le Treasury, o lenei maliega ua faailo manino atu ai ia Lusia o loo mautū le manatu o Trump ma lana faigamalo ina ia fesoasoani i le taofia o le taua i Ukraine.
O le minisita o Tupe a Ukraine, Yulia Svyrydenko na malaga ane i Uosigitone e sainia lea maliega e fai ma sui o le faigamalo a Ukraine.
Puna o Faamatalaga: https://edition.cnn.com/2025/04/30/europe/ukraine-us-mineral-deal-intl/index.html
