Ua uma feiloa’iga a le Peresetene o Amerika faapea le Peresetene o Mexico, ma ua sau ai le faai’uga o le a toe faatuai i le masina e tasi le totogi o lafoga i luga o oloa o loo faatau atu e Mexico ia Amerika.

O le i’uga lea ua iai le fonotaga na faia i le va o ta’ita’i e lua, ma o loo faamatalaina o se feiloaiga manuia.

O Mexico o le tasi lea o le to’atolu e aofia ai Kanata ma Saina na fai mai Donald Trump i le faai’uga o le vaiaso o le a totogi lafoga i luga o oloa o loo faatau atu ia Amerika, ma o le asō e aloa’ia ai.

Peitai ua uma le feiloa’iga ma le Peresetene o Mexico ma fai mai ai le Peresetene ia Trump, o le a toe tolo mo le isi masina ae se’i faasolo iloiloga ma o totonu foi o le piriota lenei o le a fofola mai ai e Mexico suiga i tuaoi e pei o le aumai o le 10,000 fitafita e leoina tuaoi i taimi nei lava.

Ua fai mai ai foi ma Mexico ua toe taofia nei foi ma ana fuafuaga na fai mai ai i le faai’uga o le vaiaso o le a ia tali mai foi e faia lafoga i luga o oloa a Amerika o loo maketi atu ia Mexico.

Puna o Faamatalaga: Trump agrees to pause tariffs on Mexico for a month