O lea ua folafola mai e le Peresetene o Amerika, Donald Trump le 90 aso e taofia ai mo le taimi nei le faia o nisi totogi faaopoopo maualuga atu i oloa mo nisi o atunuu ae faaauau pea le taua o fefaataua’iga a Amerika ma Saina.
I se suiga faavavave ua faalauiloa mai i le asō ua ta’ua ai e Trump ua ia faataga nei le faia o se suiga e faaitiitia ai le pasene o ia totogi faaopoopo, faaitiitia mai i le na o le 10 pasene a o faaauau ai pea faatalanoaga.
Mo Saina lava ia ua oo atu i le 125 pasene ua siitia ai tariffs i oloa mai lea atunuu ma ua tuua’ia ai e Trump le leai o se faaaloalo o Saina ina ua o latou faailoa ane e 84 pasene ua tuuina o totogi faaopoopo i oloa a Amerika e aveina atu i Saina.
O le 90 aso la lea ua taofia ai mo le taimi nei le faamamaluina o tariffs i atunuu fai mai Trump, e lē o tetee ane i ana levies.
Fai mai le tali a Saina e matua’i teena e lo latou atunuu ni faiga fia malosi faapea ma e tatau foi ona faaali atu se faaaloalo o Amerika ia i latou pe afai e fia foia mataupu ua alia’e mai.
Puna o Faamatalaga: https://www.google.com/amp/s/www.bbc.com/news/articles/c5y66qe404po.amp
