O le tagata na ia rent le Tesla Cyber Truck lea na pasae i fafo ane o le Trump Hotel i Las Vegas, o se fitafita a le malo tele ma ua lipotia sa ia fana ia lava a o le’i pā le taavale.

O lipoti a leoleo Las Vegas ua faailoa mai ai o lea tagata o Matthew Allan Livelberger, e 37 tausaga mai Colorado Springs i Colorado.

Ua faamaonia mai e le ofisa o le coroner o le mafua’aga o le maliu ina ua pule i le soifua e faaaogā ai se fana.

E to’afitu isi tagata na manunu’a uma ai ina ua faaleagaina le taavale.

Fai mai o loo tau faamautūina le mafua’aga o lea gaioiga na faia.

Ua faailoa nisi finagalo e foliga o se taumafaiga faasaga ia Trump, e manatu nisi atonu e leai se sootaga o lea faalavelave ma Trump peitai o loo faatalia se tali sa’o pe a mae’a le su’esu’ega o loo faagasolo nei.

Puna o Faamatalaga: https://www.bbc.com/news/articles/c86wnx174q8o