Ua faailoa atu e Trump se lapata’iga i le Hamas afai ae faaauau pea ona o latou fasiotia tagata i Gaza, o le a lē toe faatali loa ae tuuavanoa ia Isaraelu e toe faaauau ana gaioiga faamiliteli i Gaza.
O faamatalaga ia ua lipotia e le CNN i le asō i le matāupu e faatatau i le Hamas ma le tuuina ane o tino maliliu o tagata Isaraelu na ave faapagotaina i le taimi o le taua.
Ua faailoa i nisi lipoti ua mae’a ona tuuina uma ane e Isaraelu le aofa’iga e 120 o tino maliliu o tagata Palesitina sa o latou taofia ma ua faataga foi e Isaraelu se vaega tele o uta o fesoasoani e aga’i ane i Gaza e pei ona aiaia i lalo o le maliega ua taofia ai nei fetauiga i Gaza.
Pe a fua i isi faamatalaga ua maua e le CNN o loo ta’ua ai ua amata faatupu ane le ita i loto o Isaraelu faapea foi ma Amerika ona e talitonu Isaraelu e iai isi tino maliliu o o latou tagata e lē o tuuina uma ane e le Hamas lea la ua afua ai le lapata’iga mai ia Trump.
Puna o Faamatalaga: https://edition.cnn.com/world/live-news/israel-hamas-gaza-ceasefire-hostages-10-16-25
