Ua folafola e le Peresetene o Amerika, Donald Trump ua tau fai saini nei Isaraelu ma le Hamas i le vaega muamua o le Peace Plan e pei ona faataatia atu e Amerika mo se filemu o Gaza.
Fai mai le BBC o lona uiga la o le a faasa’olotoina uma loa pagota o taua i se taimi e lē o toe mamao.
Ua lipotia le fuafua o Trump e malaga i Sasa’e Tutotonu i ni nai aso o lumana’i e pei ona faailoa e sooupu mai le Fale Paepae.
O loo taumafai pea e sui mai itu uma e tolu lea o loo talanoa i le matāupu lea, le faia o se maliega ina ia faamuta ai loa fetaua’iga i Gaza ma faasa’oloto pagota Isaraelu o loo taofia e le Hamas.
A itiiti mai pe 67 afe tagata ua fasiotia e le militeli a Isaraelu i totonu o Gaza e aofia ai ma tamaiti e silia ma le 20 afe e fua i faamaumauga mai le matāgaluega o le soifua mālōlōina faagaioia e le Hamas.
O se tulaga lelei la ua iai le amataga o talanoaga a o tālia ai le isi laasaga e sosoo ai.
Puna o Faamatalaga: https://www.bbc.com/news/live/cx2nzlj2j4kt
