O se alii Saina e aumau i Kalefonia ua pueina ma taofia nei e leoleo ma molia i le ave faasolitulafono o ni aupega mai Amerika i Korea i Matū pei ona faamaonia mai e le Matagaluega o Faamasinoga a le atunuu.
O Shenghua Wen ua tuuaia i lona aveina o ni uta se lua o aupega e aofia ai ma pulufana ma isi aupega na ia faatauina ma lafo agai i Korea i Matū i le tupe pe a ma le 2 miliona na uaea ane ia te ia.
Faailoa e le BBC ole masina o Setema na faailoa ai e le au su’esu’e na o latou maua aupega ma pulufana i se van sa paka i fafo ane o le fale o Wen i Ontario ma e lē mailoa pe ua iai se loia a le alii i le mataupu lea a o le Aso Lua ua fuafua e tulai ai i le faamasinoga.
Fai mai le Malo tele e leai se laisene o Wen na te faatino ai o uta poo faamomoli o aupega i Korea i Matū ma ua molia i le tulafono i le solia o aiaiga o le tulafono faavaomalo le International Emergency Economic Powers Act.
Afai ae faamaonia moliaga e ono faasala i le 20 tausaga i le falepuipui.
Puna o Faamatalaga: https://www.bbc.com/news/articles/c938pyxjg50o
