A itiiti mai pe to’a 15 tagata ua maliliu ma le to’atele o loo manunu’a ina ua aga’i sa’o atu se pikiapu i se vaega na tumutumu ai ni tagata mo le faamanatuina o le tausaga fou i Bourbon St i New Orleans i le taeao ananafi.

O loo su’esu’e e le FBI lenei mataupu lea ua ta’ua o se gaioiga faatupu faalavelave.

Fai mai ua maua e leoleo lē ua masalomia o se alii 42 tausaga mai Texas ma o se tasi sa tautua i le ami, ua fasiotia i taugafana ma leoleo.

Ua faailoa foi sa maua ai i lana taavale le fu’a a le ISIS ma o loo su’esu’e e leoleo pe iai nisi o galulue faatasi i nei osofa’iga.

O le nofoaga na tupu ai le faalavelave e lata i le malae e fai ai taaloga o le Sugar Bowl lea ua toe tolopo mo le 24 itula ona o puipuiga lava i le soifua o tagata lautele.

Puna o Faamatalaga: https://www.google.com/amp/s/www.cbsnews.com/amp/news/new-orleans-vehicle-crash-bourbon-street-crowd-casualties-shooting/