Ua iai nei nisi sā poo sanctions ua tuuina e Amerika i luga o Lusia e pei ona faailoa i lipoti a le CNN i se feiloa’iga a tusitala ma le failautusi o le Fale Pa’epa’e, Karoline Leavitt.
Fai mai a ia i lea lipoti afai e faitau i sā ma silasila iai e fai a si mamafa ma ua maitauina foi le iai o suiga i le faatauina e Initia ma Saina o le suāuu mai Lusia.
O le gaioiga ua faia e Amerika i le vaiaso nei ua tuuina ai isi sā ia i luga o Lusia ma ana kamupani suāuu e lua aupito tetele ma valaau ai ia Moscow ua tatau loa ona faamuta taua i Ukraine.
Ta’ua e le failautusi e fai si mamafa o sā ua tuuina nei ma e lē taumate o le a iai aafiaga tetele a o tālia ai se tali ane a Lusia i lea gaioiga a le malo tele.
Puna o Faamatalaga: https://edition.cnn.com/world/live-news/russia-ukraine-war-news-10-23-25
