Ua tau fai malilie nei Isaraelu ma Amerika i le peace plan poo se fuafuaga mo se filemu mo Gaza ma ua lapata’ia ai le Hamas ua tatau foi ona o latou taliaina lea fuafuaga. O lipoti aupito lata mai a le BBC ua faailoa ai i le mae’a o le talanoaga a Trump ma Netanyahu i Amerika, ua faailoa mai ai loa lea maliega.
Ua ta’ua foi o lea ua faaoo atu aiaiga o lea maliega i le Hamas ma afai ae teena e le Hamas ma lē mulimulita’i i le fuafuaga e pei ona faataatia, ua malie ane le Peresetene o Amerika o le a tuu atoa loa lana lagolago ia Netanyahu e faauma ai le galuega o loo latou faia nei i Gaza.
Faailoa e 20 ni itu tāua o loo aofia mai ai i lea fuafuaga e aofia ai le faamuta o gaioiga faamiliteli i Gaza, faasa’oloto o pagota o taua atoa ma le faavave atu loa o fesoasoani mo tagata i lea itu o Sasa’e Tutotonu.
O le a leai foi se matāfaioi a le Hamas e toe faia i le puleaina o Gaza ma o le a tofia ma se fono faatonu o le filemu latou te vaaia lea maliega ma e ta’ita’i ai Donald Trump.
O loo tālia la se tali ane a le Hamas i lea fuafuaga ua autasi iai Isaraelu ma Amerika.
Puna o Faamatalaga: https://www.bbc.com/news/articles/c1dq9xwngv2o
