Ua agiga i lipoti i le asō a le CNN le faia o se folasaga a le atalii faaletulafono o Donald Trump, Jared Kushner i le sauniga o le sainia o le Board of Peace i le World Economic Forum i Davos i Suitiselani ma ia faataatia ai le fuafuaga autū ua faatulaga mo le lumana’i o Gaza.
Fai mai lipoti o Kushner sa iai foi lona sao i le tuufaatasiga o lea fuafuaga ma o ana faamatalaga na faia i lea folasaga ua ia ta’ua ai o le masterplan poo le fuafuaga autū lea e leai se Plan B poo se fuafuaga faaleoleo ma afai ae faaletonu o le a faigofie ona tautuua’i solo.
Fai mai Kushner afai ae lē aveesea ‘au’upega a le Hamas, o le tulaga lea o le a taofia ai tagata o Gaza mai le ausia o ona moemitiga mo se filemu.
O nisi vaega o loo aofia i lea fuafuaga tele e pei ona faailoa i le lipoti e aofia ai le faaleleia o tulaga tau tulisi ma le faia o se malae vaalele ma se uafu i Gaza, o le fausia o aai fou.
Ua folasia ai ma se ata o le New Gaza ma faafanua ua faailoa ai le tulaga matagofie o le a iai lea vaega o Sasa’e Tutotonu pe afai ae faataunuuina ia fuafuaga.
E tele isi vaega o loo aofia i le fuafuaga ae pei o vaega autū ia ua mua’i faalauiloa mai a o faaauau ai pea lea fonotaga a ta’ita’i o le lalolagi.
Puna o Faamatalaga: https://edition.cnn.com/2026/01/22/middleeast/kushner-trump-postwar-plan-gaza-board-peace-davos-intl-latam
