Ua faataatia ese nei e le Peresetene o Amerika o Donald Trump ana fuafuaga e faaopoopo tariffs poo lafoga faaopoopo i oloa mai atunuu e 8 o le Atu Europa lea o loo tetee i lona fia mauaina o Greenland.
I sana faamatalaga na faia i luga o le upega tafa’ilagi o le X ua faailoa ai e Trump ua ia faatulaga nei se faavaa mo se maliega i le lumana’i, faia ma le faaaloalo ia Greenland.
O ia faamatalaga a Trump ua faia i le mae’a o le talanoaga ma le failautusi o le NATO.
Ua ta’ua i le lipoti a le BBC o se taimi ua tuana’i atu sa faailoa ai e Trump na te lē faaaogāina se malosiaga e ave faamalosi ai Greenland ae na ia ta’ua o loo faatino nei feutana’iga ina ia maua ai lea motu.
Fai mai na ia faailoa i le fonotaga ma ta’ita’i o le lalolagi na faia i Davos na te manatu ailoga e maua e merika se mea sei vagana ua faia le faaiuga e faaaogā se Amerika ma e faigatā ona taofia i latou peita’i o le a ia lē faatinoina lea tulaga.
Ta’ua foi e Trump na te talitonu ua mae’a talanoa le failautusi o le NATO o Mark Rutte lea sa la talanoa, ma sui o Denmark ma isi atunuu o loo iai faatasi i lalo o lea faalapotopotoga e faatalanoa lana fuafuaga ua tuuina atu iai e faatatau i se maliega mo Greenland e faavavau.
O loo faatalia se isi lipoti lata mai i lenei matāupu.
Puna o Faamatalaga: https://www.bbc.com/news/world
