O Amerika ma Ausetalia ua mae’a sainia se la maliega ua fuafua e una’ia ai le sapalai o minerale mai le eleele e lē maua tele a o sa’ili ai e Trump ni auala e faafetaui ai le malosi o Saina i maketi faavaomalo.
O le Palemia o Ausetalia, Anthony Albanese na ia ta’ua i le BBC o le a ia lagolago i ni poloketi o loo faatulaga e faalautele ai avanoa tau le ‘eliina o minerale i totonu o le atunuu.
E aofia ai ma le piliona ua fuafua e inivesi e atunuu e lua i poloketi i Amerika ma Ausetalia mo le isi 6 masina.
O loo ta’ua i le lipoti o Saina latou te faatonutonuina le tusa ma le 70 pasene o ituaiga minerale ia e lē taatele, ae fai mai Albanese o le maliega ua sainia e aga’i sa’o i le faatopetopeina o inivesi i ni poloketi se 3 e aofia ai inivesi a Amerika i falegaosi oloa i Ausetalia.
Puna o Faamatalaga: https://www.bbc.com/news/articles/cly9kvrdk2xo
