O le ta’ita’i o le malo le afioga i le Palemia na amatamea i le faia o lana su’ega poo le test ina ua tatala le faia o ia su’ega e sa’ili ai tagata faigaluega uma a le malo poo latou tagofia nakoti poo fuālaau faasāina.
Ua faailoa e le Komisi e pulea tagata faigaluega a le malo i lana upega tafa’ilagi o le Aso Lua o le vaiaso nei i le faletalimalo o le Sheraton i Apia na faailoa aloa’ia ai le amataina o lea galuega, lea na muamua ai le su’ega a le Palemia, susuga Laaulialemalietoa Leuatea Polataivao Fosi.
O tagata faigaluega mai le nofoaga tutotonu o su’esu’ega faasaienisi o loo faatinoina lea galuega, lea e su’eina uma ai tagata faigaluega a le malo e aofia ai ma sui usufono o le Palemene.
O se tasi lea o laasaga tāua i le taumafaiga a le malo e tafiesea ma taofia le faaaogāina o fuālaau faasāina e pei ona iai foi ma le faalauiloa a le matāgaluega o leoleo lea ua mae’a faailoa lana faiga faavae e su’eina ai alii ma tama’ita’i leoleo.
