Ua amatamea le Matagaluega o Leoleo, Falepuipui ma le Toe Fuataina i le taofia o le faaaogā o laau ma pauta faasāina, e pei ona faailoa e le Minisita o lea Matagaluega i le fono a le Palemene ua tolopo i le masina fou o Aokuso, ua faia su’ega e iloa ai pe o tagofia e alii ma tamaitai leoleo laau ma fualaau faasāina poo nakoti.
O le tali lea a le Minisita le afioga Faualo Harry Jeffrey Schuster i finagalo o nisi o sui faipule sa latou faailoa ni popolega ma atugaluga i le faatupulaia o le aisa ua faaaogā e nisi.
O le talitonuga o le sui faipule o Satupaitea ua gaosi i Samoa le aisa.
