Na amata i le asō ma isi aso e fa o sosoo mai o le a mafai ai ona maimoaina e le atunuu faafiafiaga ma sao o aoga e 55 i se tasi o taumafaiga aupito tele i Aukilani e aofia ai le fanau aoga, le Polyfest lea ua amataina i Manukau.
O le autu o lenei tausaga Mana Motuhake o lona uiga o le fausia o se taulaiga, creating ones own destiny.
Na faailoa e i latou o loo tuufaatasia le faamoemoe ua lagona le faafetai ma le faamaulalo i le tulaga o iai tapenaga mo lenei tausaga aemaise i le tau faapea ma le sao o nai fanau aoga.
Saunoa ai le faatonu o le Polyfest, Seiuli Terri Leo-Mauu i luga o le Breakfast.
Fai mai a ia o le tausaga nei ua agai ai i le toe fausia ma le toe faatulagaina o le faamoemoe i le mae’a o tausaga sa le mafai ona faataunuuina ai.
E le o toe po se lilo o le Polyfest e tausinio iai le fanau aoga e faailoa ai a latou tu ma aganuu aemaise o latou tupuaga.
