Ua amata aafia feoaiga a le toatele i Aukilani sa tele ina faamoemoe i trains, a o taofia ai mo le tolu masina.
O ananafi lea na amata tapunia ai stations e ono e aofia ai Onehunga, Te Papapa, Penrose, Ellerslie, Greenlane ma Remuera faatasi ai ma laina e lua o le Onehunga faapea le sau mai Otahuhu agai i Newmarket ona o galuega toe faaleleia.
Mai le Auckland Transport o lea ua suia e pasi auala ua aafia, peitai ua sau ai ma le lapataiga e tapena ona o le a pisi.
E le o faigofie i le toatele o tagata Aukilani ona o le umi o le taimi e va ai femalagaa’iga a pasi lea ua suia trains i le taimi nei, atoa ai o lea e tupu i le taimi pisi o le a toe a’e ai ma aoga a fanau.
I fuafuaga o loo iai nei e faatoa toe feoai trains i nofoaga ua tapunia nei i le faaiuga o Mati, ma a mae’a ona tapunia lea o laina i le itu i Sasae seia faatoa toe tatala i le faaiuga o le tausaga.
