E silia ma le miliona tamaiti aoga i Ausetalia o loo sueina i le asō le uluai suega o le NAPLAN, suesueina ai le latou faitautusi, tusitusi ma le tomai i le matematika.
O le NAPLAN, le National Assessment Program-Literacy and Numeracy, o ni suega faasolosolo e faia i aoga e agai sa’o i le sailia o tomai amata o tamaiti mai le tausaga 3, 5, 7 ma le 9.
Saunoa le minisita o aoga mo NSW Sarah Mitchell o le taimi muamua lenei ua faia ai le suega lea i le kuata muamua o aoaoga ma e faafetaia foi faiaoga ma i latou sa galulue i le tuufaatasia o lenei suega ma o le vave foi ona faia o le vave foi lea ona maua mai le tali o le iuga o suega ma iloa tonu ai le tulaga o iai le fanau i aoaoga ma toe aoao ai foi i latou mulimuli ane i le soifuaga.
