O le asō sa fuafua e amata ai suega o le faaiuga o le tausaga mo tamaiti aoga.
Talu mai le uluai lockdown o le koviti i le 2021 e lei toe misi lava se tausaga aoga ma Ie tulaga lea o le lockdown e mafua mai i le faama’i aemaise foi o uiga louloua o le tau poo ni solo tetee foi a faiaoga.
I Aukilani na ta’ua e le taitaiulu o le Albany Senior High, Kendall Bindon e maoae le tulaga o le auaunaga a faiaoga i le faatinoina o le latou tiute e fesoasoani ai i tamaiti aoga.
O le molimau a se tasi tamaititi aoga i le tausaga 11 pei ona lipotia e le RNZ e faapea o le taimi o solo tetee a faiaoga se tasi o vaega sa tele ai aafiaga i tulaga tau aoaoga.
Fai mai nisi o i latou e tele vaega sa aafia ai le tausaga aoga ae o le itu mautinoa e ao lava ona pasi suega.
Mo le au faaiuaso i le tele o aoga pe ā ma le 20-29 aso aoga na tapunia ai aoga e mafua mai i uiga louloua o le tau.
O le uluai suega la i le asō o le Level 1 Japanese, suega o le Gagana Latina ma le Te Reo Māori ma o suega e faamae’a i le aso 30 o Novema.
