Ua iai nei se isi aoaoga e fesoasoani i tulaga tau fesootaiga mo i latou e logonoa i le komiuniti ma o Niu Sa Uelese lea ua ta’ua o le a muai aoaoina ai le ituaiga aoaoga lea i aoga.
O le Australian Sign Language lea e faaigoa foi o le Auslan o le a ofoina i tamaiti aoga mai le aoga faataitai agai i le tausaga 10 ia fesoasoani ai i le faaitiitia o tagata faaliliu upu.
O le a fesoasoani ai i tamaiti aoga e logonoa ma e manatu nisi ua leva tele ona talitali lenei tulaga.
O le aoaoina o se gagana i se aoga e tuuina ai e tomai i tamaiti aoga e auai ai i tulaga tau gagana ma faaleleia ai fesootaiga e ala i le faaaogāina o signs.
O le taimi o le koviti na matuai aliali ai le tāua o le faia o signs ia e faamatala ai le gagana ma e manatu le toatele o se faamanuiaga tele lenei e fesoasoani i fanau ma soo se tagata ia faafaigofie ai fesootaiga.
