O le a faaaoga e leoleo taifau ua toleni faapitoa mo le sailia o se tasi poo nisi ua ono aafia i le afi tele na sasao ane i le ogatotonu o Sini i le vaiaso talu ai.
E toalua nai tagata e leai ni mea e nonofo ai, homeless, o loo tau sailia pea talu mai lenei faalavelave ma o le a faaaoga foi metotia faaonaponei a leoleo ma le ausuesue e sailia ai pe iai se soifua ua ma’umau mai lenei afi auā sa faigata foi le agai iai i totonu o le ausuesue ona o popolega i le saogalemu.
O le a faia faatasi lea suesuega ma galuega mo le tuuina i lalo o vaega o le fale ua matuai faaleagaina i le afi.
Ua atoa le toafā o tamaiti ua agai ane i leoleo e faamatala iai o latou aafiaga i le faalavelave lea sa aveesea mai ai le toatele o tagata e aumau i fale tuaoi o le nofoaga na mu ona o le malosi tele o le afi.
O se aso tāua lenei i le suesuega ona e fai si faigata o lona faatinoga ma le ma’ale’ale o le tulaga o iai le nofoaga.
