Na amata i le aso ananafi palota o le faigapalota laititi a Hamilton i Sisifo.
O le taeao ananafi na tatala ai faitotoa o nofoaga e valu e faia ai palota a tagata palota o le itumalo, ma o loo faamoemoe e oo atu i le aso 10 o Tesema ua siitia i le 20 fale palota.
E toa 12 sui tauva o loo finauina lenei palota laititi e pei ona avanoa ai le nofoa ina ua faamavae mai Gaurav Sharma i le masina talu ai.
A o tatala ai le avanoa mo palota, o le afiafi o le Aso Sa talu ai sa faatulaga e faia ai felafolafoaiga faatupu manatu a sui tamomo’e e toalima ma o se polokalame o loo tuufaatasia e le Chamber of Commerce a Waikato.
