Ole AsoToonai o le vaiaso nei e agai ai tagata Nauru e faatino a latou palota e sailia ai sui ole palemene ma faia se faiga filifiliga i le suiga o le faavae o le atunuu.
Lipotia e le RNZ ao lumanai ai le aso o le faigapalota o loo talimalo le atunuu i le vaiaso nei i le Musical Festival ma le sailiga o se tausala o le atu Maikorenisia.
O le Festival ua amata i le taimi nei seia oo i le Aso Faraile ae Aso Toonai ai le palota.
E 19 sui o le palemene o Nauru e fili mai i le faigapalota ma o se faamatalaga mai le ofisa palota a le atunuu ua faailoa ai e 60 sui o le a tauva i le palota o le tausaga nei, o le to’aono o i latou ia o tamaitai.
I lalo o tulafono o iai nei a le atunuu e tolu tausaga o le paeaiga ae ua mae’a faaulu se finagalo ua tatau ona sui i le fa tausaga i le paeaiga.
Peitai ina ia suia le faavae o le atunuu e manaomia ona faia se referendum e fesiliga ai finagalo o le atunuu lautele ma ia ausia le ⅔ o tagata e lagolagoina le referendum faatoa pasia.
I Nauru, o sitiseni uma o le atunuu ua 20 tausaga ma sili atu e tatau ona palota i lana faiga filifiliga.
Puna o Faamatalaga: https://www.rnz.co.nz/international/pacific-news/575076/nauru-election-week-begins-with-music-festival-and-beauty-pageant
