Ua silasila le vasega o faatonu i se faamasinoga i Kuiniselani i ata mai le CCTV o le taimi na tulai ai se vevesi na mafua i chips lea o loo feta’ua’ina na iu ai ina manua tigaina se alii.
Fai mai le 9News o Ricky Lefoe e 31 tausaga mai Sini sa tulai i le faamasinoga i Brisbane i le vaiaso nei mo le amataina o le faamasinoga i le mataupu ua molia ai i le fasioti tagata paivalea i le faalavelave na maliu ai se tagata mai Brazil e suafa ia Ivan Patricio Susin.
O Susin 29 tausaga na maliu i le falemai i le 10 aso talu ona mae’a le vevesi lea ina ua feta’ua’ina sa tu’i ai tulou e Lefoe ma aafia ai lona ulu ina ua tau i le palapala i fafo ane o se faleoloa kebab i Orchid Avenue i Surfers Paradise i le 2019.
O loo faaauau i le asō le faamasinoga i le mataupu lea i luma o le faamasino o Helen Bowskill.
