Toe 11 aso oo i le palota tele a Niu Sila, ma a o amata tatala ai i le asō le advance voting poo le avanoa mo i latou e mananao e vave faia palota, o lea ua faailoa mai foi e le komisi o faigāpalota le fuainumera o palota ua mae’a faia i atunuu mamao.
O faamaumauga na faailoa mai i le taeao o lea ua tusa ma le 3,000 palota ua mae’a faia i atunuu i fafo ae 70 dictation cotes sa faia i luga o le telefoni ma a faatusatusa i le palota o le 2020 e tai tutusa lava fuainumera.
Pe a foi mai i totonu lava ia o Niu Sila a o tatala ai fale palota ua mae’a totofi mo le advance voting na amata i le asō, o lea ua fautuaina e le komisi o faigāpalota tagata palota e saili le falepalota lata ane e agai iai ma o le vaiaso nei foi e tatau ona taunuu atu ai lau EasyVote pack o loo faailoa uma atu ai falepalota nei.
E tusa ma le 3.4 miliona Kiwi ua mae’a faaulu mo le palota, ae 390,000 tagata palota e lei lesitala ma ua toe augani mai le ofisa o faigāpalota, o lea lava e maua le taimi e lesitala ai ma e oo lava foi i le aso o le palota tele, le Aso Toonai o le vaiaso a sau e mafai lava ona e lesitala ma faia ai lau palota.
