O le masina muamua o lenei tausaga fou ua faailoa ai tau o oloa tau suāuu ma penisini mo le tatou atunuu atoa lea ua molimauina ua iai se siitaga laitiiti mai tau sa iai ia oloa i le masina mulimuli o le tausaga ua mae’a atu nei.
O Tesema o le 2024 sa 2 tālā 88 sene i le lita le penisini, ae o le masina lenei o Ianuari o le 2025 ua 2 tālā 92 sene i le lita.
O le tau fou o le suāuu kiso ua 3 tālā 8 sene i le lita ae o le tau sa iai i le masina na te’a nei o Tesema o le 2024 sa 2 tālā 99 sene i le lita.
O le kalasini ia Tesema o le tausaga na te’a nei sa 2 tālā 61 sene i le lita, o le tau fou o le kalasini i le masina muamua lenei o le tausaga fou ua 2 tālā 71 sene i le lita.
O le ata manino la o le siitaga fou o le tau o ia oloa o le kalasini e sefulu sene ua faaopoopo, suāuu kiso e 9 sene ua siitia ai, ma le penisini e 4 sene ua siitia ai lona tau.
