O le masina o Aperila lea e amata ai galuega faaleleia a le Golden Mile a Ueligitone, poo le poloketi e saga faaleleia ai auala mo taavale, auala savali faapea auala mo uila.
O le poloketi telē lenei e 140 miliona na afifi mai i totonu o le polokalame Lets Get Wellington Moving lea ua faalēaogā nei.
Ua lipotia e le leitio faavaomalo a Niu Sila, o Aperila lea ua ta’uta’u e amata ai galuega ma o se poloketi e lē gata o le a faalautele ai auala savali, faaleleia auala mo uila ae faapea le aveesea o taavale mai nisi o auala.
A o le’i oo ai la ia Aperila e muamua faailoa mai i tagata lautele le atoaga o fuafuaga mo le masina.
Fai mai le pulenuu o Ueligitone, Tory Whanau, e lē o toe mamao faailoa mai le atoaga o nei fuafuaga.
A o tu malosi ai le pulenuu o se poloketi e toe faamatagofie ma siitia ai le tulaga o aai, fai mai le Chamber of Commerce a Ueligitone, o lenei poloketi o le a aafia ai ma pisinisi.
Puna o Faamatalaga: Wellington’s Golden Mile upgrade to begin in April | RNZ News
