Ua amata galuega faamamā o le afā o Hale i le tele o vaega o le atunuu aemaise lava mai Northland i le Coromandel, faasolo atu i Tairawhiti ma le North Island agai i Wairarapa.
O le East coast le isi vaega tigaina ma o loo galulue nei local authorities e saili ni auala e faaoo ai le sapalai o fesoasoani ia i latou ua motusia auala e agai atu iai ona o le tetele o lologa.
E ui ua mae’a le afā ae o loo tapunia pea le tele o auala e aofia ai ma le State Highway 35 i le va o Gisborne ma Tolaga Bay.
O loo tumau pea le faaaliga o loo i se tulaga o faalavelave tutupu faafuasei lea faaitu o le atunuu, state of emergency.
