Ua vave ona maua e fanau o le atunuu o loo i le vaaiga a le nofoaga o le Campus of Hope a le faalapotopotoga o le Toomaga mo ē Puapuagatia, meaalofa o le Kerisimasi ma se tafaoga fiafia i le nofoaga o le Rainbow Park ona o le agalelei o le pulega o lea nofoaga.
Faaalia e le Toomaga i se pepa o faasalalauga o se avanoa sili lea mo nai fanau sauāina o loo tausia i le nofoaga o le Campus of Hope i Tuanaimato, ona ua maua se avanoa e aga’i atu ai e faafiafia o latou loto ma faaaogā meataalo eseese i le Rainbow Park.
Ua momoli le faafetai a le Pelesetene ma le aufaigaluega a le Toomaga mo ē Puapuagatia i le pule o le Rainbow Park ona o le agalelei i le meaalofa mo fanau sauaina e manatua ai pea le Kerisimasi o lenei tausaga o le a mae’a.
