Ua amata tatala i le asō le avanoa e mafai ai ona faia siaki e iloa ai le ono lamatia mai le tanesusu poo le monkeypox.
Mai le itula e valu i le taeao nei ua mafai ona valaau le HealthLine ma talanoa le faatulaga o se avanoa e faia ai siaki e iloa ai le aafiaga mai le tanesusu.
I le taimi nei e le o mafai ona faalauiloa le avanoa o le vailaau o le tui mo le tanesusu ona o nisi o tulafono o loo aiaia ai i lalo o le puipui 20 o le Medicines Act 1981 ona o lea e lei talia aloaia e le Medsafe.
E ui i lea e le o taofia ai le mafai e faia ai talavai.
O le tui lenei mo le tanesusu poo le monkeypox vaccine e ui e amata mafai ona talanoa mai le asō, e faatoa mafai ona faia talavai mo tagata agavaa mai le Aso Gafua o le vaiaso fou.
E oo mai i le aso ananafi e pei ona faamaonia mai e le minisita lagolago o le soifua maloloina Dr Ayesha Verral ua 41 cases ua ripotia o le tanesusu i totonu o Niu Sila.
O le tui o le tanesusu e faia fua ma e 500 vailaau ua taunuu ma e lava lea mo le oo atu i le 20,000 tagata.
