O le aso lea e amata faataitai ai i luga o vaalele a le Ea Niu Sila le maimoaina sa’o o taaloga i le taimi e faia ai ma e aofia ai ma taaloga o le Ipu o le lalolagi i le lakapi. O loo iai le faamoemoega o le kamupani vaalele e faasalalau le Sport 24 luga o nisi o ana vaalele ma faasolo ai ina faasoo uma ana vaalele ao lei oo ia Oketopa 14.
Fai mai le pulega o le latou misiona lea o le tuuina o le auaunaga aupito sili mo ana paaga aemaise latou te silafia lelei le toatele o tagata malaga e naunau i taaloga ma lagolago iai. Faailoa e le kamupani e iai nai taiala e ao ona usitaia pe a faataunuu lenei taumafaiga ma e taua foi le faaaloalogia o leisi pasese i autafa pe a maimoaina ia taaloga.
