Ua amata faasolo le faapipiiina o ATMs faapitoa mo cryptocurrency i totonu o Niu Sila.
O le kamupani Amerika a le Olliv o lea ua silia ma le 4000 ana masini tala tupe i le lalolagi, ma e oo mai i le taimi nei e tusa ma le 10 masini ATM ua uma ona faapipii i totonu o Niu Sila talu mai le faaiuga o le masina faatoa uma atu.
Na saunoa le faatonu o lea kamupani i lona lala i Ausetalia, Matt Pook o le maketi i Niu Sila o se avanoa lelei lea pe a fua e lē o tele se crypto o maua iinei.
O faamaumauga a le Inland Revenue mai tagata Kiwis e 10 e toatasi o loo iai tupe nei e teu i totonu o faiga faatekonolosi poo crypto currency holdings.
Ua faamaonia mai foi e Pook e saogalemu le faaaogā o masini tala tupe nei.
E oo atu i le tasi selau masini tala tupe faapitoa mo cryptocurrency o loo faamoemoe le Olliv e faapipii i Niu Sila.
